“Ako’y Isang Paro-paro”

Malakas ang ihip ng hangin

  Habang  kinakampay ko ang mga pakpak ko.

Lipad dito, lipad doon na para bang may

Hinahanap ako sa sarili ko.

Magandang mga bulaklak ang nakita ko.

Dapo dito, dapo doon at inaamoy ko

Ang bawat talolot nito na na nadaanan ko.

Ang ganda nila at ang babango,

Pero saan ako magtatagal at mag pahinga

Sa maraming makulay, mabango at

Magagandang mga bulaklak na magugustuhan ko.

Tulad ko, isang binata at naghahanap

Ng isang dilag na mapupusuan ko,

Sa kadami-daming  mga magaganda

at  mapang akit na anyo ay hindi ko makita ang hinahanap ko

Tulad kong isang paro-paro, patuloy ang pag lipad

At pag hanap na madapuan, masilayan

Na magustuhan ko,  at doo’y  mananatiling

Mahimlay ang mga pakpak at pagod na sarili ko

sa paglilipad na sana’y makita ko na  ang hinahanap ko.